ڈبلیو ایچ او کے ڈائریکٹر جنرل ڈاکٹر ٹیڈروس اذانوم گیبریئس نے جمعہ کے روز اعلان کیا ہے کہ دنیا میں تباہی پھیلانے والی کورونا وبائی بیماری اب یہ عالمی صحت کی ایمرجنسی نہیں رہی ہے۔ کورونا کے حوالے سے کیے گئے اس اہم اعلان کے ساتھ، اس وبا سے متعلق اہم چیزیں یہ ہیں۔
جمعرات (4 مئی) کو ورلڈ ہیلتھ آرگنائزیشن کی ہیلتھ ریگولیشن ایمرجنسی کمیٹی کے 15ویں اجلاس میں کووڈ-19 کے بارے میں تبادلہ خیال کیا گیا۔ اس کے بعد، ڈبلیو ایچ او کے ڈائریکٹر جنرل ٹیڈروس اذانوم گیبریئس نے اتفاق کیا کہ پبلک ہیلتھ ایمرجنسی آف انٹرنیشنل کنسرن، یا پی ایچ ای آئی سی کا اعلان ختم ہونا چاہیے۔
ڈاکٹر ٹیڈروس نے کہا، ’ایک سال سے زیادہ عرصے سے یہ وبا کم ہونے کے راستے پر ہے۔‘ انہوں نے کہا کہ "ہیلتھ ریگولیشن ایمرجنسی کمیٹی کے 15ویں اجلاس میں مجھے سفارش کی گئی ہے کہ میں انٹرنیشنل کنسرن کی پبلک ہیلتھ ایمرجنسی کے خاتمے کا اعلان کروں۔ میں نے اس مشورے کو قبول کر لیا ہے۔‘ انہوں نے کہا، "یہ بڑی امید کے ساتھ ہے کہ میں COVID-19 کی عالمی ہیلتھ ایمرجنسی کے خاتمے کا اعلان کرتا ہوں
30 جنوری 2020 کو ڈبلیو ایچ او نے کورونا وائرس کے پھیلنے کو پبلک ہیلتھ ایمرجنسی آف انٹرنیشنل کنسرن (PHEIC) قرار دیا تھا، اس سے تقریباً 6 ہفتے قبل اس کو وبائی مرض کے طور پر نشان زد کیا گیا تھا۔ ڈبلیو ایچ او کے ڈائریکٹر جنرل ٹیڈروس اذانوم گیبریئس نے جمعہ، 5 مئی کو اس کے بارے میں کہاکہ، "1221 دن پہلے، ڈبلیو ایچ او کو چین کے شہر ووہان میں نامعلوم وجوہات سے ایک گروپ میں نمونیا کے کیس کے بارے میں پتہ چلا تھا۔ یہ بین الاقوامی قانون کے تحت خطرے کا الارم تھا۔’