آج بروز منگل دوپہر بارہ بجے الجامعة الزہرا اہلسنّت اظہارالعلوم میں روحانیت کی راجدھانی کچھوچھہ مقدسہ سے شہزادہ مخدوم سمناں،فرزند سرکار کلاں آل نبی،اولاد علی حضرت علامہ سیّد حسن اشرف اشرفی الجیلانی صاحب قبلہ کی آمد ہوئی۔حضرت نے جامعہ کا دورہ کیا۔جامعہ میں زیر تعلیم طالبات کی تعلیم اور ساتھ ہی شفاعة
القرآن میں زیر تعلیم طلبا کی تعلیم سے متعلق اطمینان کا اظہار فرمایا۔آپ نے خصوصیت کے ساتھ لڑکوں میں حفظ کے ساتھ عالمیت کی تعلیم کے حوالے سے منتظمین کو مشورہ دیتے ہوئے فرمایا کہ لڑکوں کے عالم کورس کی جانب بھی آپ لوگ توجہ مبذول کریں۔۔جامعہ کے کیمپس اور تعلیمی ماحول کو دیکھ کر آپ نے منتظمین اور معلمین و معلمات کو خوب دعاوں سے نوازا۔اِس موقع پر جامعہ کے ناظم اعلیٰ کاملی محمد رمضان صاحب،حافظ غلام مصطفیٰ
اشرفی،حافظ رمضان ابوالعلائی،حافظ عادل انور اشرفی،حافظ رضا حامد جیلانی،حافظ محمد مصطفیٰ صابری اور عبدالمنان اشرفی موجود تھے۔اراکین جامعہ کی طرف سے قاری عبیدالرحمن اشرفی،حافظ عمر فاروق اشرفی اور حافظ ندیم انجم چشتی کا شکریہ ادا کیا جاتا ہے کہ انہوں نے جامعہ میں حضرت کا دورہ کروایا۔اللہ پاک ہر ایک کو جزائے خیر عطا فرمائے۔
المرسلہ:شعبہ نشر و اشاعت جامعہ اظہارالعلوم،مالیگاوں
