دہلی پولیس نے پٹیالہ ہاوس کورٹ میں ایک نابالغ پہلوان کی شکایت پر پوکسو ایکٹ کے تحت درج کیس میں برج بھوشن شرن سنگھ کو کلین چٹ دیتے ہوئے الزامات کو ختم کرنے کا مطالبہ کیا ہے۔ دہلی پولیس نے کہا ہے کہ پوکسو معاملے میں برج بھوشن شرن سنگھ کے خلاف کوئی ٹھوس ثبوت نہیں ملے ہیں۔ پٹیالہ ہاؤس کورٹ اس درخواست پر 4 جولائی کو سماعت کرے گی۔
دہلی پولیس نے راؤج ایونیو کورٹ میں چارج شیٹ داخل کی ہے جس میں تعزیرات ہند کی دفعہ 354، 354 ڈی، 354 اے اور 506 (1) کے تحت الزامات عائد کیے گئے ہیں۔ دہلی پولیس نے برج بھوشن شرن سنگھ کے خلاف چھ بالغ خواتین پہلوانوں کی طرف سے لگائے گئے جنسی ہراسانی کے الزامات کے سلسلے میں راؤج ایونیو کورٹ میں چارج شیٹ داخل کی۔ راوج ایونیو کورٹ اس چارج شیٹ پر 22 جون کو سماعت کرے گی۔دراصل دہلی پولیس نے اس معاملے میں برج بھوشن کے خلاف دو کیس درج کیے تھے۔
پہلا مقدمہ چھ بالغ خواتین پہلوانوں کی شکایت پر تھا۔ جبکہ نابالغ کی شکایت پر مقدمہ درج کر لیا گیا۔ راؤج ایونیو کورٹ میں دائر چارج شیٹ میں دو لوگوں کو ملزم بنایا گیا ہے۔ برج بھوشن شرن سنگھ کے علاوہ دوسرے ملزم ونود تومر ہیں، جو ریسلنگ فیڈریشن آف انڈیا کے سابق اسسٹنٹ سکریٹری ہیں۔
