الحمد اللّٰہ کل بروز جمعرات 15 جون 2023 سے تعلیمی سال 24-2023 کا آغاز ہونے کو ہے۔ گزشتہ 45 دنوں سے نو نہالان علم طلبہ وطالبات اپنی مادر علمی سے دور رہ کر اس کی آغوشِ علمی میں بغل گیر ہونے کو بے تاب و منتظر ہیں۔ وہیں صدر و اراکین الحاج ضمیر احمد ملا سر فاؤنڈیشن کی
جانب سے والدین و سرپرست حضرات سے اپیل کی گئی ہے کہ حالات حاضرہ کے پیشِ نظر آدھی روٹی کھاؤ مگر اپنے نونہالوں کو زیور تعلیم سے آراستہ کرو۔ تاکہ مستقبل میں یہی بچے مسائل کا خندہ پیشانی سے مقابلہ کرسکے اور کامیاب و کامران زندگی گذار سکے۔ اس ضمن میں والدین و سرپرست بھی پر عزم نظر آرہے ہیں اور کہہ رہے ہیں کہ ایک وقت کا کھانا کم کھائیں گے مگر بچوں کو پڑھائیں گے۔ اس
موقع پر انشاء اللّٰہ اراکین الحاج ضمیر احمد ملا سر فاؤنڈیشن دھولیہ شہر عزیز کی چند اسکول میں پہنچ کر پہلے دن اول اسکول آنے والے طلبہ وطالبات کا استقبال کرنے کے موجود رہیں گے۔
