22 جون 2023 کو عوامی پارٹی کے ریاستی صدر رضوان بیٹری والا نے مکند واڑی کے سینکڑوں مرد وخواتین کی موجودگی میں کمشنر صاحب کو ناکارہ اور کھنڈر نما گیارہ ہزار کالونی کی حقیقت کو میمورنڈم دے کر واضح کیا جو کہ اس پرساشک راج میں کافی افسوس ناک بات ہے ۔ کمشنر سے بات چیت کی اجازت کے بعد بھی کارپوریشن گیٹ پر روک کر رکھا جاتا ہے اور وہیں سے واپس جانے کے لیے بے جا دباؤ سیکورٹی کے ذریعے ڈالا گیا مگر رضوان بیٹری والا کی بہادری اور لیڈر شپ کے آگے کمشنر صاحب کو عوام کے درمیان آ کر عوام کی بات سننا پڑی اور میمورنڈم بھی لینا پڑا
اتی کرمن کے نام پر غریب عوام کو ڈرا دھمکا کر طاقت کے بل بوتے زمین خالی کروائ جاتی ہے اور پھر زمین مافیا من مانی قیمتوں میں بیچ کر کروڑوں روپے کی بندر بانٹ کر لیتے ہیں ۔
اسی گھناؤنی سازش کو بےنقآب اور ختم کرنے کے لئے رضوان بیٹری والا نے مکند واڑی کی غریب عوام کآ آخری وقت تک ساتھ دینے کا فیصلہ کیا ۔
رضوان بیٹری والا نے کھل کر کہا کہ ہم اتی کرمن کے خلاف ہیں اور مکند واڑی کی غریب عوام بھی یہی بات بار بار کہہ رہی ہے کہ ہماری وجہ سے کسی کو تکلیف نہیں ہونا چاہیے ۔
مگر ہمیں جہاں بھی بھیجا جا رہا ہے وہاں پر روز مرہ کی تمام سہولیات فراہم کی جانی چاہیے ۔ اسی وقت ہم کارپوریشن کی جگہ چھوڑ دیں گے ۔ حالانکہ ہم لوگ تقریباً چالیس سال سے بسے ہوئے ہیں ۔ واضح رہے کہ رضوان بیٹری والا نے ناکارہ کھنڈر نما اور جان لیوا گیارہ ہزار کالونی کی بدعنوانی کے خلاف حالیہ کمشنر صاحب اور دیگر ادھیکاریوں کے خلاف قلعہ پولس اسٹیشن میں FIR بھی درج کروا چکے ہیں اور عنقریب عدالت میں سنوائ بھی ہونا ہے مگر آج بھی پرساشک راج اپنی ہٹ دھرمی پر اڑا ہوا ہے ۔ اور خانہ بری کرنے کے خاطر عوام کو جھوٹی تسلی دی جا رہی ہے کہ ہم سروے کریں گے اور ہر طریقے سے جو بھی کمی دکھائی دے گی اسے پوری کرنے کی کوشش کی جائے گی ۔ موقع کو دیکھتے ہوئے عوام نے بھی ایک آواز میں کہا کہ جب تک روز مرہ کی سہولیات دکھائی نہیں دے گی ہم جیل چلے جائیں گے مگر موت کے گھاٹ گیارہ ہزار کالونی ہرگز ہرگز نہیں جائیں گے ۔ کمشنر صاحب کو میمورنڈم دینے کے بعد مکند واڑی کی غریب عوام مرد وخواتین نے رضوان بیٹری والا کی بہادری کو سراہا اور دل و جان سے شکریہ ادا کر کے آئندہ وقت میں بھی ساتھ ساتھ رہنے کا وعدہ کیا ۔