راہل گاندھی نے کہا کہ جو بھی ان سے (مرکزی حکومت) پوچھے گا، وہ پیچھے مڑ کر دیکھیں گے۔ اگر آپ حکومت سے پوچھیں کہ ٹرین حادثہ کیوں ہوا تو وہ کہیں گے کہ کانگریس نے 50 سال پہلے ایسا کیا تھا۔ آپ ان سے پوچھیں گے کہ انہوں نے ارتقاء اور پیریڈک ٹیبل کو کتابوں سے کیوں نکال دیا؟ تو وہ کہیں گے کہ کانگریس نے 60 سال پہلے ایسا کیا تھا۔ ان کی طرف سے فوری رد عمل پیچھے مڑ کر دیکھنا ہے۔ انہوں نے دعویٰ کیا کہ بی جے پی کو کچھ بھی قبول نہ کرنے کی عادت ہے۔ غلطیاں کرتے ہیں اور جب سوال کیا جاتا ہے تو الزام کانگریس پر ڈال دیتے ہیں۔
راہل گاندھی نے کہا کہ گاڑی چلاتے ہوئے ہمیشہ پیچھے نہیں دیکھ سکتے۔ حادثہ ہو جاتا ہے۔ لیکن پی ایم مودی ملک کو اس طرح چلا رہے ہیں۔ وہ صرف پیچھے کی طرف دیکھتے ہیں اور پھر سوچتے ہیں کہ حادثہ کے بعد حادثہ کیوں ہو رہے ہیں۔ پی ایم مودی، بی جے پی اور آر ایس ایس کی یہی مشکل ہے۔ وہ ہمیشہ ماضی کے بارے میں بات کرتے ہیں اور ہمیشہ کسی اور پر الزام لگانے کا سوچتے ہیں۔