دھولیہ :- آج مورخہ 15 جون بروز جمعرات سوئیس اردو پری پرائمری و پرائمری اسکول میں تعلیمی سال 24-2023 اسکول کا پہلے دن ( یوم تاسیس ) کا انعقاد بڑے ہی تزک و احتشام سے کیا گیا ۔ گزشتہ ڈیڑھ مہینے سے اپنی اسکول سے دور رہنے کے بعد نونہالان قوم بہت ہی خوش خوش اپنی مادر علمی میں واپس لوٹی ۔ اس موقع پر اسکول ھذا
کی صدر معلمہ محترمہ حجن صوفیہ بانو صاحبہ کے ساتھ تمام معاون معلم و معلمات نے اسکول میں آئے ہوئے تمام ہی طلبہ وطالبات کا استقبال چاکلیٹ و غبارے دے کر کیا۔ اس سے قبل اسکول میں اول وقت میں پہنچنے والے طلبہ وطالبات کا علم حاصل کرنے کے تئیں اپنی دلچسپی و لگن کا اعتراف کرتے ہوئے خصوصی استقبال تحائف غبارے و
چاکلیٹ دے کر کیا۔ اس کے بعد تمام ہی طلبہ وطالبات اپنے کمرۂ جماعت میں داخل ہوئے۔ اس موقع پر اسکول میں یوم تاسیس کے ضمن میں قرآن خوانی کا نظم کیا گیا۔ اس کے فوراً بعد صدر معلمہ محترمہ حجن صوفیہ بانو صاحبہ نے اپنے دعائیہ کلمات سے طلبہ وطالبات و اساتذہ کرام کے درمیان تعلیمی سال 24-2023 کا آغاز ہوا ایسا اعلان کیا
