ایسا لگتا ہے کہ سیاست میں ’آیا رام، گیا رام‘ کہاوت کو مہاراشٹر کی نیشنلسٹ کانگریس پارٹی (این سی پی) نے ایک نئی شکل دے دی ہے۔ اس کہاوت کا ہندوستانی سیاست میں پہلی بار استعمال 1960 کی دہائی میں اس وقت ہوا تھا جب ہریانہ کے ’رام‘ نامی رکن اسمبلی نے ایک ہی دن میں تین بار پارٹی بدلی تھی۔ اس کے بعد 1980 کی دہائی میں ’دَل بدل مخالف قانون‘ پاس کیا گیا تاکہ ’آیا رام، گیا رام‘ پر روک لگ سکے۔
یہی وجہ تھی کہ جب ایکناتھ شندے نے شیوسینا میں گزشتہ سال بغاوت کی تو انھوں نے اس بات کا دھیان رکھا کہ ان کے ساتھ شیوسینا کے 56 میں سے 40 اراکین اسمبلی کی حمایت ہو، تاکہ وہ ضرورت پڑنے پر دو تہائی والے اصول کی خلاف ورزی کرتے ہوئے نہ پائے جائیں۔
