نئی دہلی : ہریانہ اسمبلی انتخابات کو لے کر ہلچل تیز ہے۔ ایسے میں کانگریس میں غور و خوض کا دور چل رہا ہے۔ اس دوران راہل گاندھی نے ہریانہ میں عام آدمی پارٹی (اے اے پی) کے ساتھ اتحاد کی خواہش ظاہر کی ہے۔ جیسے جیسے ہریانہ اسمبلی انتخابات قریب آرہے ہیں، کانگریس پارٹی اتحاد کی بات چیت میں مصروف ہے، خاص طور پر AAP کے ساتھ، جس نے تقریباً 20 سیٹوں کا مطالبہ کیا ہے۔ انڈیا ٹوڈے ٹی وی نے اپنے ذرائع کے حوالے سے بتایا کہ منگل کو کانگریس کی مرکزی الیکشن کمیٹی (سی ای سی) کی پہلی میٹنگ کے دوران ایک سینئر لیڈر نے ایک فہرست پیش کی، جس میں AAP کی طرف سے مانگی گئی سیٹوں کا ذکر ہے۔
ہریانہ میں حکمراں بھارتیہ جنتا پارٹی (بی جے پی) کو چیلنج کرنے کی تیاری کر رہی سی ای سی کی میٹنگ کانگریس کے لیے پہلا بڑا قدم تھا ۔ حالانکہ میٹنگ میں آنے والے چیلنجوں پر روشنی ڈالی گئی، خاص طور پر ممکنہ اتحادیوں کی خواہشات اور پارٹی کے اپنے اسٹریٹجک مفادات کے درمیان متوازن کرنے کے بارے میں۔
حالانکہ بی جے پی لیڈر شاہنواز حسین نے راہل گاندھی کی اے اے پی کے ساتھ اتحاد کرنے کی خواہش پر ردعمل ظاہر کرتے ہوئے کانگریس پر طنز کیا ہے۔ انہوں نے کہا کہ کانگریس سمجھ گئی ہے کہ وہ جیتنے والی نہیں ہے، اس لیے کانگریس آخری وقت میں کچھ بندوبست کر رہی ہے۔ کانگریس جانتی ہے کہ ہریانہ میں دوبارہ بی جے پی کی حکومت آنے والی ہے، اسی لیے وہ کسی کو بھی اتحاد کرنے کے لیے کہہ رہے ہیں۔
بتادیں کہ راہل گاندھی ہریانہ میں لوک سبھا کی طرز پر اسمبلی انتخابات میں عام آدمی پارٹی (اے اے پی) کے ساتھ اتحاد چاہتے ہیں، لیکن عام آدمی پارٹی پہلے ہی ریاست کی سبھی 90 اسمبلی سیٹوں پر الیکشن لڑنے کا اعلان کر چکی ہے۔ وہیں بھوپیندر سنگھ ہڈا بھی کہہ رہے ہیں کہ ہم اکیلے اسمبلی الیکشن لڑیں گے اور جیتیں گے۔
واضح رہے کہ ہریانہ اسمبلی انتخابات کے اعلان کے بعد تمام سیاسی پارٹیوں نے کمر کس لی ہے۔ ہریانہ میں ایک ہی مرحلے میں انتخابات ہوں گے۔ ہریانہ میں 5 اکتوبر کو ووٹنگ ہوگی ، جب کہ نتائج کا اعلان 8 اکتوبر کو کیا جائے گا۔